Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 34-1} maṉ uyir ēmuṟa malar ñālam puravu īṉṟu
• {KALI 34-2} pal nīrāl pāy puṉal parantu ūṭṭi iṟanta piṉ
• {KALI 34-3} cil nīrāl aṟal vāra akal yāṟu kaviṉ peṟa
• {KALI 34-4} muṉ oṉṟu tamakku āṟṟi muyaṉṟavar iṟuti kaṇ
• {KALI 34-5} piṉ oṉṟu peyarttu āṟṟum pīṭu uṭaiyāḷar pōl
• {KALI 34-6} pal malar ciṉai uka curumpu imirntu vaṇṭu ārppa
• {KALI 34-7} iṉ amar iḷavēṉil iṟuttanta poḻutiṉāṉ
• {KALI 34-8} viri kāñci tātu āṭi irum kuyil viḷippa um
• {KALI 34-9} pirivu añcātavar tīmai maṟaippeṉ maṉ maṟaippa um
• {KALI 34-10} kari poyttāṉ kīḻ irunta maram pōla kaviṉ vāṭi
• {KALI 34-11} eri potti eṉ neñcam cuṭum āyiṉ evaṉ ceyku ō
• {KALI 34-12} poṟai taḷar kompiṉ mēl citar iṉam iṟaikoḷa
• {KALI 34-13} niṟai taḷarātavar tīmai maṟaippeṉ maṉ maṟaippa um
• {KALI 34-14} muṟai taḷarnta maṉṉavaṉ kīḻ kuṭi pōla kalaṅkupu
• {KALI 34-15} poṟai taḷarpu paṉi vārum kaṇ āyiṉ evaṉ ceyku ō
• {KALI 34-16} taḷai aviḻ pūm ciṉai curumpu yāḻ pōla icaippa um
• {KALI 34-17} koḷai taḷarātavar tīmai maṟaippeṉ maṉ maṟaippa um
• {KALI 34-18} kiḷai aḻiya vāḻpavaṉ ākkam pōl pulleṉṟu
• {KALI 34-19} vaḷai āṉā nekiḻpu ōṭum tōḷ āyiṉ evaṉ ceyku ō
• {KALI 34-20} eṉa āṅku
• {KALI 34-21} niṉ uḷ nōy nī uraittu alamaral ellā nām
• {KALI 34-22} eṇṇiya nāḷ varai iṟavātu kātalar
• {KALI 34-23} paṇṇiya māviṉar pukutantār
• {KALI 34-24} kaṇ uṟu pūcal kai kaḷaintāṅku ē